INEC kimsa chunka wata allitaruray shinallatak mutsuk llamkayta chikanyachishpa, mushuk pushakkamay ima alliruraykuna churaymanta willay ruranchi:
Kay kallari kutimpi tukuy llaktayukkuna INEC tiksichanikunata mañayta ushan. Mana ima kullkita kushpalla tiksichani, rikuchiykunapa antanikikpi awarishpa mashnayachik, yachayñan, tapuytantakpankakunata mañay asharin, kay willaykunata churashkanchi Web pankapi shinallata ñukanchipak kamukamay ukupi. Kay willaykunata tukuyman tikrachiymanta karu llaktakuna, kay llaktapipash saminchaykunta hapishkanchi, kayta rurashkanchi willaykuna llaktushay kachun, ñawpaka kay willaykunaka shukkunallam kashka.
Kayna wata llamkaymanta, INEC ruraywan kunan llamkay illaymanta killapi willay chani shuklla tiyan (INECBCSE). BCE yachayñankunawan shukllata rurashpa shinallatak OIT minkaywanpash, kunan pichka llaktapi sapan killa willaykunata charinchi shinallatak sapan kimsa killapi patsak ishkay llaktamanta, INEC ruraraykunawan. Ñawpa BCE paypak llamkakkunawan taripashpa ninakushka, kayshina taripaykuna INEC tantay llamkashkamanta chikanyakmi. Chimpapurachik tiksik hillayta kunan charinchik llamkaypa kapakkamaykuna llamkayñanta ruranapak.
Kay kallari kutimpi mamallaktapi wakchayaymanta shuklla chani tiyan; kaypak taptay shinallatak tiksimanta achikyachishka shukyachiytapash. Willayta Llaktaushay paktaypi, INEC apukyarka wakchayay chanita shukllayachiypi, kay SENPLADES, CISMIL shinallata SIISE ayninakurka. Ñawpaka sapan yanapakwasi paykunapak wakchayaymanta willay rikuchiykunata rurak, shuklaya willaykunata tarishpa shinallatak manapipash mashnayachik pakchita willakchu. Kunan shuklla willay chani tiyan, yachayñan shinallatak tiksichanikunata tukuy llaktayukkunaman kacharishka kan. Llamkay willaypi kan wakchayaymanta chanikuna, paktalla shinallatak llaktaytuk imalaya kawsay.
Kay kallari kutimpi Mamallakta Kamaypi Runapak Kawsana Kullkita rakiy charinchi. Tarikkunapa mana alli uyarikpipash, Ecuador llakta mana charikchu Mamallakta Kamaypi Runapak Kawsana Kullkita Rakiyta, mallaktapi kawsak runakunata mashna wakchayaymantalla rakiyta usharirka, kullkimanta pichkanikishkakunapi, kutishukkuna mashnayachiy rakikunapipash. Kunan ñalla Mamallakta Kamaypi Runapak Kawsana Kullkita rakiyta charikrinchi, kay rakiykunawan llamkayñan, ruraykatichiykunata alliman pushanapak mamallakta llamkay shinallatak kutishuk yanapak wasikunapipash.
Kay kallari kutimpi shuk Ruranapak Llikata INEC charinchi, kaypi Ecuador llaktapa kullkikamay, kullkirayku shinallatak wankurikawsay chanikunta tantachishpa churanchi. "Ecuador Rikurayana Kuska" kay panka yanapashka yachakkuna, tarikkatikkuna, awllikuna, shinallatak mamallakta yuyashkata akllakkuna. INEC antanikikpankaman yaykushpa tukuylla mamallakta shukyachishka willaykunata rikuyta ushan. Ecuador Rikurayana Kuskamanta atik mañay kan Mamallakta Pushak Apak.
Kay pushakkamaywan SEMPLADES yanapakwasiwan mukuyachiy, katintipash shina llamkashkanchi; kayta rurashpa INEC ruraraykunata Kapak apakpa mutsuriyta rikushpa llamkashkanchi, Kipukamay pukuyta mañayman tikrachishpa.
Mamallakta wiñay ñanpi INEC kutsi kutsi llamkashka. INEC willay imaykuna, rikuchiy shinallatak tiksichanikunawan yanapashka kaykunawan ñawpaman apashka yuyayta. Kay ñanpa aspi tiksi kan anchayupaykunapa mushukyachiy.
INEC tapuykunata rurashpa kutsikutsi aynisha yanapashka Mamallakta pushak paktachiywaw: a. Wichiyaypa wiñari shinallatak raykuymanta katikuy, Llamkayñay killkakamayuk, Willak killkakamayuk, Kullki Kamak Wasi, shuktakunawanpash llamkashkanchi, kay yanapakwasikunaman mana willaykunayta chayachishkanchichu, ashtawanpash mushuk rikuchiy pushayyachaytami kunchi. b. Pushak purishka awllikuna rimanakuyman SENPLADES wasimanpash allitanrikukunata rurashkanchi. c. Hatuykuna makinmakin yalishpamanta chanikuna maypi turkarishkata yachankapak mashkaykuna.
Ayllukuna Kawsanakuy Tapuymanta Kay kallari kutimpi chuyalla willaykunata chaskichishkanchi. Kayta rurashkamanta mirashka tiksichani, willaykunatapash mañaykuna. Ñawpaka rikuchiykunapa taptayta mana chaskichiychu.
INEC pusak killapi, Willachik antakunapi llukshiyta kutincharishka. Willakpanka, akllashka willachik kamullakuna ñukanchi rurashka willaykunata mutsuy ruran paykunapak willachiykunapi. Ñukanchipak willak killkakuskapa llamkayta yanapak achayman katuna rantinata mushukyachik llamakay rikuchikwan.
Kay kallari kutimpi SENPLADES wasiwan tantanakushpa rurakunchi Mamallaktapa Willaymanta Llikata. SNI mamallaktapa mashnalla willayta shukllapi tantachinka, llika panchiyachiy masmaywan. Mamallaktapa Willaymanta Llikapi mashnalla mamallaktapa willaykuna tantanakunka.
CODENPE yanapaywasiwan arininakuy pankata killkashkanchi, kunanka runa ayllukuna 2001 Lanupi yuyaykunawan churay karanka lanuy kallariymantati. Kay ruraymanta ashka yupaychanikunata runakunamanta hapishkanchi.
2011 watapi Ecuador llaktapi Llaktayuk Lanu rurarinka, kutishuk llaktakunapi 2010 LANU ruraymanta Naciones Unidas minkaykunata churaywan, kay lanu mamallaktapa Wankurikawsaymanta mushuk rikuchiykunata charishun shinallatak maypi kay llaktayukkuna kawsak, achiklla willaykuna, yankakapakkuna ama mamallakta kullkimashnayachiyta rikuchuy.
Kunan Willachik antakunapi sapan killa willanchi Kapuchikpa Mashna Chanin Rikuchiyta (IPP), Rantikpa Mashna Chanikun Rikuchiyta (IPC) tantachishpa yachakkuna, taripakkuna mañankuna. Kunan Chanikunapa kuyukuy kuskina hawalla kan. Wichiyay chanita willaypi kunan IPP chanitapash willanchi; taripakkuna asha ashalla Chimpanchina Hallamanta mañashpa katin.
Llamkak kamakkuna tantari mutsuriykunaman INEC mukuyashka kan, kay apakwasi mutsuriy willaykunata mashkan; kay shina: a. Ukku mana ushaymanta Tapuri. b. Llaktamantalluksiriy Tapuri. c. Wawakuna llamkaymanta Tapuri. d. Ayllukuna kullkiwan yanaparina (SELBEN) shutikunata mushukyachiypa Tapuri. e. Pachakunapi imata ruray Tapuri. f. Makiruray Tapuri.
Kay kallari kutimpi Galapagos waytapi rurashkanchi Lanu Hayñita. Kay llamkaywan waytapi atillay llamkayñan shinallatak turkay mañarishka, kunan shuk wankurikawsay kuyukuymanta allitanrikuyta charin.
INEC yanapaywasipa pakta llamkay rikuchiyta mushukyachinchi, kapak killa mushuk rikchayta rikuchinkapak, mushuk achiklla web pankawan, Chanikuna willaypi allitaruray shinallatak willayta llaktushayachiypi.
Mamallakta wiñaypa hatun yachanawasipi yachakukkuna taripanakunata rurachun aynikuy llikata rurashkanchi. Tiksichanikunata tukuyman kacharishkamanta ashka rikutakri yachakukkuna tiyashka, shina Kipukamay kawsawallpayta wiñachiyta rurakunchi. Mamallaktapi yachakukkuna Kipukamay kawsawallpayta wiñaypa ñawpaman wiñachiypa aynikuy llikata rirashkanchi.
Kay kallari kutimpi Karullaktakunapi kawsay mashikunamanta shuk chani willay paykikinta llukchishkanchi. Mashikuna ima kapakkamay churaykunamanta mamallaktamanta llukshiy tukukta rikunapak kay willaykuna mutsurin. Kay kipapakchirurayta ñawpaman katichinchi may karullaktakunapi llaktayukkuna kawsayta rikushpa, kay llaktapi kipukamay ruray yanapakwasikunawan.
Kay kallari kutimpi Kuskaman pushakkamaykuna mamallakta suyukunapi ima willay rikuchiykuna mutsuriykunawan llamkan. Kay kallari kutimpi INEC paypak kuskaman pusakkamaykunata mana "willaykunata llukchiy" shinallata charinchu, kunanka paykunapash kipapakchiruraykuna shinallatak arininakuyta rurankuna kuskapi ima mutsuriyta rikushpa.
INEC Sumaychay Chanimaruta kuskisha yanapashka: Kay ukupi ima paktayta charishkanchi:
Wichiyaypa taptaymanta Certificado ISO 9000 llukshichinapi kanchi. Kay kunawan arinishpa kikinyachishun IPC taptayta achikllamkay shinallatak imashinakanawan.
Hatun Pushakkamayta kay kallari kutimpi tukuy chashkishka, kayta tupushka kan uku llamkaymanta tapuriwan, ishkay killa kutinti tapuri ruranchi. Llamkakkunawan sapan killa tantanakunchi Pushakkamay llamkayta willanapak shinallatak hunkaypi paktarinakuy tiyan Pakchiyachik Uku, Ruraykatiy ukuwanpash. Sapan ishkay killa pushak ukukunawan tantanakuyta rurashpa pushayyachay wachuyyachinapak shinallatak chayanakunata kamaykuna.
INEC yanapakwasipi llamkakkunaman yachay ruraykatichiy, kallarishpa Exel yachay shinallatak tawkasami kuski kama. Mana ima chaninchu Mamallaktachiyman, pushakkamay llamkahillay runakuna yachayta chawchashkanchi.
