Mamallaktapi kipukamay imashina wacharishkamanta

1830 watapi mamallakta wacharishkamanta, kallaripi kamachi killkaypi mutsuririn kipukamay willaykunata charina, Ecuador mamallaktapa Azuay, Guayas, Quito suyukunapa apukkuna akllayta rurarinka, Llaktayuk Lanu willaykunata rikushpa.

1830, 1973 watakunapi mamallaktapa Lanu Kipukamaykunata apanapak tawka tantanakuykuna wiñarishka, ashtawanpash 1976 wata aymuray killa kanchiskakpi (7), 232 churaykamachiwan kallarin Mamallakta Kipukamay Lanumanta Tantanakuy (INEC), Instituto Nacional de Estadística shinallatak Censos Nacionales y el Centro de Análisis Demográfico ukukunata tinkichishpa.

Mamallakta llaktayuk ushayman kutimuywan, mushuk Mamallaktakamachik killkarin, kaypi wiñarishka Consejo Nacional de Desarrollo (CONADE), kaypak ruraykuna kamachirishka Katik Kamachiywan. Kay kamachipi killkarishka Mamallakta Kipukamay Lanumanta Tantanakuy (INEC) kay CONADE yanapakwasipi tantanakushpa kashkata.

1998 wata, 10 karway killapi killkarishka Mamallaktakamachik, CONADE yanapakwasita chinkachin, Jamil Mahuad Mamallaktakamak Economia y Finanzas Kamakkwasiman Mamallakta Kipukamay Lanumanta Tantanakuy (INEC) yanapakwasita tantachin.

2007 wata, 20 Sitwa killa, Kamachi kipuk ukupi killkarishka 141 nikik churaykamachiwan, Mamallakta Kipukamay Lanumanta Tantanakuy (INEC) yanapakwasita tantachin kay Secretaría Nacional de Planificación y Desarrollo (SENPLADES) yanapakwasiman, kullkikanlla, ruraykatiy, pituykamana, pakchiyachiykunamanta sapalla shinallatak karuyarashpalla paypak ruraykunata rurarayanka nishpa.

Kunan INEC llamkakun achikkay shinallatak willaykunapa tiksichanikunata kachariypi, mamallaktaman shumakyak chanikunata utkalla kutichinapi shiminchiyta paktachishpa. Kaypa yanapakwasi wiñachishka ishkay web pankakunata tukuylla taripaykunapa willakunata chashkichin (www.inec.gov.ec, www.ecuadorencifras.com, Willay Chanikunapak Kullka shinallatak ESPAC rikuchik), chashna kay yanapayta paktachinchik.

Shinallatak Kipukamay yachay uyachiypa hillaykuna rurarikun, shuktak kuskakunapa kipukamay wiñariytapash rurarayakunchi shina Wawakunapak INEC, Mamallakta Tawka Sami Ayllurunakuna, Yanarunakuna, Yunkarunakunapa Kipukamaykunamanta Minkashpuriy (CONEPIA).